劉江華公眾諮詢會講嘢

【明報專訊】政制及內地事務局副局長劉江華打破沉默「開金口」！劉江華隨局長譚志源和政務司長林鄭月娥，噚晚去咗大埔出席新界各界特首普選辦法公眾諮詢會，終有機會發言。


事緣有與會者同官員提出，可唔可以由18區選出18人，再由佢哋提名2至3人選特首，又指曾經與劉江華傾過有關提議。譚志源回應時話，既然呢位仁兄「同江華傾開」，不如請劉江華回應一下。


指四大界別唔會「側埋一面」

劉江華笑謂對呢位與會者「好有印象」，形容佢提出嘅方法特別，「相當民主」，但劉江華指出《基本法》訂明由提委會提名，而四大界別已經有區議會代表，話提委會有工商、地區、政界，反而唔會「側埋一面」。


劉江華去年佔中期間參與官員與學聯嘅對話，但全程未發一言，只做「觀眾」，事後被網民贈言「沉默是金」、「shall we talk」等。