新聞類別
財經
詳情#
【明報專訊】梁特第三份施政報告，噚日終於出爐。報告出爐之前，傳媒焦點都落在房屋土地政策，搞到筆者以為梁特會有新橋處理樓市問題。
噚日報告面世，房策唔見有睇頭，除咗上星期呢個專欄分析過嘅出售公屋，較為新鮮嘅就係要市建局落水，幫手增加資助房屋供應。
連起開貴價私樓嘅市建局，未來都要幫手起居屋，私人樓宇要增加供應可以休矣！樓市唔升都幾難！筆者僅此代表地產商同廣大業主多謝梁特照顧！
房策雖然無乜新意，但梁特呢份施政報告，都唔可以話無睇頭，尤其係佢篇雷霆萬鈞嘅開場白。施政報告係特首一年一度嘅功課，佢要講乜當然無人阻到佢，但點都估唔到平日一向戰鬥格十足嘅梁特，到咁重要嘅日子都忍唔住要撥火，仲要搵近期最鍾意同人鬧交嘅大學生嚟「挑機」，擺明撩交嗌。
挑機大學生 難修補關係
噚晚電視論壇，有靚女記者問佢，佔中後到底點樣幫撕裂到分開兩半嘅社會修補關係，筆者嘅飯局老友答得最好：「佢想修補關係？佢驚死你哋好番就有！」當社會今天對政治議題已經不能再厭倦，梁特此時仍然沉醉鬥爭，真係老毛番生都要跟佢學嘢。
講番房屋議題。梁特噚日回應出售公屋計劃，佢話，只要公屋住戶買咗出售公屋，騰出原有單位，就可以增加公屋供應云云。現場記者即時踢爆，新的單位本來就可以用來出租，賣出後再騰出一個舊單位出租，何來增加供應？
改租為售 供應其實不變
筆者不能不讚賞梁特嘅急才，佢立即就轉口：「如果將（新公屋）賣畀白表住戶，佢哋無公屋可以騰出，就增加唔到公屋供應。」明明講緊公屋供應無增加，可以拉咗去講居屋，觀眾一個唔留神就會畀佢過到骨。搞政治，無梁特嘅急才、面皮同語言藝術，點可能民望咁低，仲可以撐到今時今日？
筆者肯定梁特騙不了現場記者，亦騙不了電視機旁邊嘅香港人。一個新單位改租為售，就係少了一個可出租單位供應，這是小學生都明白嘅道理。
夾心家庭難受惠
說到底，只要供應不增加，這項賣公屋新政策不可能改善目前住屋問題，極其量只能滿足小部分綠表戶的置業欲望。社會上無資格申請公屋，又買不起居屋的夾心家庭大有人在，他們的置業需求，肯定比起綠表戶要高，為何我們的政府，會反而選擇幫助那些在公屋住得很好的綠表戶上樓？
市建局蝕本 政策難持續
再說市建局參加興建資助房屋。雖然被稱為主要發展商，但市建局近年由於做了不少蝕本計劃，帳目已經開始出問題，要他們將高價（同區七年樓齡樓價）收回來的重建土地，用來興建資助房屋，那幾乎肯定是蝕本生意，政府若行此路，勢須向市建局泵水，政策延續性存在很大疑問。
再者，市建局目前是私樓市場一個重要供應者，若它們將重建土地用來起資助房屋，可以預期私樓供應必受影響，若樓市再向上，則按市價定價的居屋，亦自然水漲船高，梁特這招「攞石頭扔自己腳」，究竟係托市還是遏市，只有他自己才知道。
[應正亮 廿四味]
噚日報告面世，房策唔見有睇頭，除咗上星期呢個專欄分析過嘅出售公屋，較為新鮮嘅就係要市建局落水，幫手增加資助房屋供應。
連起開貴價私樓嘅市建局，未來都要幫手起居屋，私人樓宇要增加供應可以休矣！樓市唔升都幾難！筆者僅此代表地產商同廣大業主多謝梁特照顧！
房策雖然無乜新意，但梁特呢份施政報告，都唔可以話無睇頭，尤其係佢篇雷霆萬鈞嘅開場白。施政報告係特首一年一度嘅功課，佢要講乜當然無人阻到佢，但點都估唔到平日一向戰鬥格十足嘅梁特，到咁重要嘅日子都忍唔住要撥火，仲要搵近期最鍾意同人鬧交嘅大學生嚟「挑機」，擺明撩交嗌。
挑機大學生 難修補關係
噚晚電視論壇，有靚女記者問佢，佔中後到底點樣幫撕裂到分開兩半嘅社會修補關係，筆者嘅飯局老友答得最好：「佢想修補關係？佢驚死你哋好番就有！」當社會今天對政治議題已經不能再厭倦，梁特此時仍然沉醉鬥爭，真係老毛番生都要跟佢學嘢。
講番房屋議題。梁特噚日回應出售公屋計劃，佢話，只要公屋住戶買咗出售公屋，騰出原有單位，就可以增加公屋供應云云。現場記者即時踢爆，新的單位本來就可以用來出租，賣出後再騰出一個舊單位出租，何來增加供應？
改租為售 供應其實不變
筆者不能不讚賞梁特嘅急才，佢立即就轉口：「如果將（新公屋）賣畀白表住戶，佢哋無公屋可以騰出，就增加唔到公屋供應。」明明講緊公屋供應無增加，可以拉咗去講居屋，觀眾一個唔留神就會畀佢過到骨。搞政治，無梁特嘅急才、面皮同語言藝術，點可能民望咁低，仲可以撐到今時今日？
筆者肯定梁特騙不了現場記者，亦騙不了電視機旁邊嘅香港人。一個新單位改租為售，就係少了一個可出租單位供應，這是小學生都明白嘅道理。
夾心家庭難受惠
說到底，只要供應不增加，這項賣公屋新政策不可能改善目前住屋問題，極其量只能滿足小部分綠表戶的置業欲望。社會上無資格申請公屋，又買不起居屋的夾心家庭大有人在，他們的置業需求，肯定比起綠表戶要高，為何我們的政府，會反而選擇幫助那些在公屋住得很好的綠表戶上樓？
市建局蝕本 政策難持續
再說市建局參加興建資助房屋。雖然被稱為主要發展商，但市建局近年由於做了不少蝕本計劃，帳目已經開始出問題，要他們將高價（同區七年樓齡樓價）收回來的重建土地，用來興建資助房屋，那幾乎肯定是蝕本生意，政府若行此路，勢須向市建局泵水，政策延續性存在很大疑問。
再者，市建局目前是私樓市場一個重要供應者，若它們將重建土地用來起資助房屋，可以預期私樓供應必受影響，若樓市再向上，則按市價定價的居屋，亦自然水漲船高，梁特這招「攞石頭扔自己腳」，究竟係托市還是遏市，只有他自己才知道。
[應正亮 廿四味]
回應 (0)
