傳執筆施政報告引言 CY：集體創作 我審稿

【明報專訊】特首梁振英（CY）任內第三份施政報告，封面與往年一樣，用橙色做主調，今次封面嘅相有長者、少數族裔、青年，仲有BB，分別代表施政報告嘅重點政策，不過就好似同報告嘅主題「重法治、掌機遇、作抉擇」無咩好直接關係。


CY喺施政報告引言部分向香港大學學生會刊物《學苑》「開火」，有傳報告引言部分係CY執筆，CY噚日出席記者會時就話，報告係政府團隊嘅「集體創作」，但由佢審稿。今年施政報告約有24,500字，比去年長咗2%；英文版有約17,000字，較去年長咗3%，Emily聽聞原來中文版已刪咗1萬字，唔知係咪審稿人嘅意思呢。