「外部勢力」送肖像杯 田少：寫錯名都冧

【明報專訊】自由黨田北俊去年底被炒全國政協職務後，反而贏到唔少掌聲，佢噚日喺facebook上載一張相，喺由美國寄來嘅禮物，係一隻有佢相片嘅水杯。


田少話，寄件者無寫名，應該係佢唔認識嘅朋友。佢上載相片後，隨即有fans留言笑佢「勾結外部勢力」。咁又係喎，特首梁振英噚日上晝先至猛講有外部勢力介入，田少就即刻收受美國寄嚟嘅「資助」。


田少又同Emily講，fans嘅回應好幽默，佢話隻水杯背面印有佢嘅英文名，雖然串錯咗佢個姓氏「Tein」（應為Tien），但已經好窩心。


（網上圖片）