灣仔書展抗通脹 仍有「$100一袋書」

【明報專訊】灣仔區議會主辦嘅「灣仔書展」不經不覺踏入第十屆，而「閱讀在銅鑼灣」將率先於周六至周日（1月17日、18日）喺銅鑼灣東角道行人專用區展開，「閱讀在修頓」則喺1月23至25日（下周五至日）於灣仔修頓籃球場舉行。


今次書展有好多書商響應， 「閱讀在銅鑼灣」設有63個售賣攤位；「閱讀在修頓」就有四大特價區——「新書特價區」、「$20特價區」、「$10超值特價區」，以及受歡迎嘅「HK$100一袋書」特價區，畀市民尋寶。


主辦單位話書展要抗通脹，「$10超值特價區」嘅書冊數量近千本，原價由最高過千元至百元不等，以小童圖書、教育及旅遊書為主。至於「HK$100一袋書」特價區，仲有原價200多元嘅設計類書，及大量原價60元至100元嘅數碼媒體工具書。