愛環境攝影展 葛珮帆有份

【明報專訊】節能及環境關注聯盟等多個團體，1月至3月喺將軍澳及沙田多個商場輪流辦「珍愛環境攝影展」，有11名酷外野外攝影嘅香港及外地攝影發燒友提供作品，當中包括鍾意潛水攝影嘅民建聯議員葛珮帆（EQ）。


今次展出40多幅作品，其中EQ有8幅，拍攝對象包括巴哈馬群島水域嘅鯊魚同海豚，亦有水底珊瑚世界及小丑魚（圖）。攝影展嘅主題係想推廣美麗大自然，呼籲大家關注溫室氣體排放、過度撈捕海洋生物等議題。


EQ又話，繼裕華國貨停售象牙後，華豐國貨最近亦告知，已經通知租戶並於去年11月29日下架停止出售「瀕危野生動植物種國際貿易公約」所禁止嘅全部象牙製品。


（葛珮帆提供）