象哥投票出神棍

【明報專訊】民建聯立法會議員黃定光（象哥）噚日喺立法會同大家介紹佢個新發明「撳掣神棍」。話說象哥食飯時靈機一觸，唔想浪費一對竹筷子，所以忽發奇想製作「撳掣神棍」，投票嗰時可以唔使俯前撳制，慳力啲咁話。


黨友提醒：小心撳錯掣

象哥對佢嘅新發明都幾滿意，不過，佢啲黨友就提醒，要小心手震會撳錯掣，建議佢不如用膠紙黐住個「反對掣」。金融界吳亮星（星爺）就笑住話「反對派有政棍，你有神棍」，Emily問星爺有無興趣整番支神棍用下，佢就話唔知象哥有無申請專利，費事侵權啦。