盈盈樂樂擴「交配圈」

【明報專訊】海洋公園嘅一對大熊貓盈盈同樂樂，過去多次嘅「造熊貓計劃」都唔成功，園方今年就有新搞作，決定擴大盈盈同樂樂嘅「交配圈」，安排佢哋加入全國大熊貓繁殖計劃，等佢哋有機會同全國熊貓交配，園方稍後就會同四川省林業廳簽署備忘錄，希望增加大熊貓族群嘅數量同可持續性。


同熊貓唔同命，資料顯示，2013年台灣兩隻大熊貓團團與圓圓就造熊成功，仲成功誕下熊貓BB，但現年9歲嘅盈盈之前多次同樂樂喺海洋公園熊貓館裏面交配，曾經多次「假懷孕」，最終都無成果。盈盈與樂樂2005年喺四川卧龍出世，中央07年將佢哋送畀香港，當做回歸10周年賀禮。家全球圈養大熊貓超過300隻，當中卧龍有190隻。