佔中被捕 「慳稅」四成

【明報專訊】佔領運動雖已完結，但引伸出嚟嘅全民不合作運動就持續落去。facebook專頁「良心抗稅運動」披露，有市民早前向稅務局申請暫緩繳付薪俸稅，理由好特別，就係曾參與佔領而被警方拘捕，可能會遭到刑事檢控而被僱主開除，喺收入有可能受影響下，要求稅務局重新評稅。


呢個市民其後收到稅務局回覆，話接納佢嘅申請，經重新評稅後，佢應繳稅項比之前少咗超過40%！

未必不用交稅

稅務局向Emily回覆話，基於《稅務條例》嘅規定，唔會評論個別個案；但《稅務條例》就納稅人向稅務局長申請緩繳部分或全數薪俸稅有所規定。


有網民話諗住用呢招增加稅務局行政成本，但隨即被其他網民提醒，話大前提係當事人曾經被警方拘捕，否則隨時變成虛假陳述。專頁就提醒市民，如果想申請暫緩繳付暫繳稅，就必須喺稅單列明嘅限期前以書面向稅務局提出；不過即使獲批，亦唔代表申請人唔使繳交有關稅項，如果最終申請人無被僱主開除，收入無受影響，下一個財政年度都係要交番嘅。