掛幡學生或記過 天主教崇德校網被侵

【明報專訊】元朗天主教崇德英文書院校長早前喺校網寫咗篇文表明自己反佔中，早幾日又有傳媒報道話有學生喺學校掛起「我要真普選」直幡，之後校方翻睇閉路電視，最終搵到個學生，學生仲要受罰記過。「Anonymous Asia」噚日喺facebook發帖，話因為呢件事而要攻擊崇德嘅校網，Emily噚晚上咗成晚都真係上唔到佢哋個網。


有傳媒報道，崇德英文書院上個禮拜二有幾個學生喺學校掛咗「我要真普選」條幅，之後唔使30分鐘已經有人收起咗。學校嘅走廊有裝閉路電視，校方翻睇後搵番啲學生出嚟，訓導處仲話元旦後再決定係記缺點定小過。


Anonymous Asia噚日喺fb發放「戰績」，指全球多個國家測試下都上唔到個網。家放緊聖誕假，有崇德家長噚晚就同Emily話，學校網站被hack，暫時無影響學生，但佢就慨嘆校園政治化咗。Emily噚日致電學校查詢，但可能係假期，未有人接聽。