九倉邀巨星迎新歲

【明報專訊】早前各界話佔領運動可能搞到聖誕同新年活動要取消，九倉（0004）旗下時代廣場則在新年前舉辦歌唱活動慶節，更邀請到古巨基、Shine、KOLOR同吳若希一眾本地歌手，於今年28至31日一連四日「熱烈地彈琴熱烈地唱」，每日由4點唱到5點，迎接2015年。


古巨基等時代廣場演唱

到時咁多位歌手吸引一大班fans，日日聚集係銅鑼灣「贈興」，係咁凍嘅日子，有咁熱鬧既氣氛取暖都好。之不過，若然到時基仔一不留神，唱到「歡樂今宵，虛無縹緲」，又或者KOLOR唱返首《到此為止》：「沒你的動人時節，喧嘩歡騰亦已經並無意義」，唔知大家又會唔會諗返起佔領運動入面嗰兩個月嘅時光呢？


[小琴密語 email: piano@mingpao.com]