新聞類別
副刊
詳情#
【明報專訊】特首梁振英班子都運作咗超過兩年半,其間有唔少問責官員下台或離開,但「熱廚房」總會有人願意入,自8月中勞工及福利局副局長蕭偉強都上任埋,基本上問責團隊都埋晒班,各個政策局都有齊副局長同政治助理(現時只差政務司長林鄭月娥未有政治助理),唔知係咪因為咁,所以全體問責官員今日就會影「全家幅」。
Emily聽聞,官員都收到通知,今日一早就會喺特首辦集合影相,不過唔少官員都仲未知實際拍攝地點,有說早前打算喺添馬公園影相,仲提醒官員相片有官式同埋隨意兩款,但後來拍攝日期都改咗,究竟今日仲係咪喺添馬公園或者其他室外地方影,就不得而知。
天文台預計今日都有可能會落雨,如果官員影相時落雨,唔知會擇日再拍攝定係打算撐傘影相呢?前特首曾蔭權當年都有同成個特首辦成員合照,亦擺上特首辦facebook,但今次成個問責團隊影全家幅,過去就比較少見。
Emily聽聞,官員都收到通知,今日一早就會喺特首辦集合影相,不過唔少官員都仲未知實際拍攝地點,有說早前打算喺添馬公園影相,仲提醒官員相片有官式同埋隨意兩款,但後來拍攝日期都改咗,究竟今日仲係咪喺添馬公園或者其他室外地方影,就不得而知。
天文台預計今日都有可能會落雨,如果官員影相時落雨,唔知會擇日再拍攝定係打算撐傘影相呢?前特首曾蔭權當年都有同成個特首辦成員合照,亦擺上特首辦facebook,但今次成個問責團隊影全家幅,過去就比較少見。
留言 (0)