聯眾撈埋世界橋牌大賽

【明報專訊】內地最興講O2O，即所謂線上線下配合發展，本來主打網上棋牌遊戲開發商聯眾國際（6899）噚日就宣布會搞埋真人橋牌比賽，會同瑞士洛桑嘅「世界橋牌聯合會」出年起，4年內每年籌辦一次世界橋牌同場雙人賽。


據通告講，世界橋牌聯合會係國際奧委員會認可嘅國際體育聯合會，呢項世界橋牌同場雙人賽仲係全球最具影響力嘅橋牌錦標賽之一，聯眾仲會加入老本行網上元素，初賽時會分為線上部分及線下兩部分進行，線上部分由聯眾主辦，而線下則由世界橋牌聯合會於不同國家、多個地點同時主辦。之後線上及線下部分贏家就會共同參與一年一度線下決賽，聯眾同時會獲得世界橋牌同場雙人賽的獨家商業開發權。


email: piano@mingpao.com

[小琴密語]