新聞類別
財經
詳情#
【明報專訊】佔領行動持續79日，當各路人馬正反思民主路何去何從之際，藍絲陣營則忙着抽水，醜態盡現，老董話自己鬆了一口氣，讚揚警察克制專業，有電視台即配以警察用警棍怒打佔領人士的畫面，極為諷刺；「香港佔領之母」蔣麗芸在立法會乘機揶揄道：「呢個世界唔係乜都係我要我要，唔係就佔領你。」完全唔記得自己在今年2月因不滿行程安排而率領470人佔領郵輪，因為無得觀光而發爛渣就得，人家因為無真普選而表達訴求就唔得。好明顯，呢啲現象，都係因為西環的急急如律令。
香港要換血 須找出亂港禍首
《人民日報》海外版發表署名文章，指香港要「法治法辦」參與佔中運動的人，嚴懲破壞法制人士。如此出口術施壓，已經是不尊重香港法治的表現，不過嘥氣啦，法治這東西，已經變得好模糊，如果唔抽出真正搞亂香港的罪魁禍首，唔如實向北京反映香港人訴求，上面繼續愈走愈左，香港呢個死局，係無曙光的。
家唯一能夠期望的，就係多啲睇唔過眼的人類，可以出來跑2017年的馬仔。無錯，人類就夠了，因為咁樣已經係有難度。雖然話時勢做英雄，不過聽聞班學生領袖已經好攰，連2015年區選都未必會去馬；呢班小朋友係可造之才，但條路點行，有待商榷，筆者認為如真要從政，行返中間路線多少少會比較理想。
學生領袖若從政 籲走中間路線
儘管不少建制派人士係咁抽清場嘅水，但水平呢回事，大家有眼見，抽水叻唔代表能力高，佢哋可以慳番口氣，唔好諗住有得分；相反，傳聞話今次有份參與勸退學生嘅前律政司長黃仁龍，或者會獲得中央重新評價。有「小明」之稱的黃仁龍，曾被形容係被欽點的特首接班人，但小明早就表明心迹，無意角逐；唔知係咪梁特治下的日子實在太慘不忍睹，令小明有機會回心轉意；繼上周筆者提過的陳德霖，加埋黃仁龍，再加上一個民望不俗的沈祖堯，2017之局，人類成分瞬間提升，香港突然有番希望。
不過，香港要換血，除咗有新血，都要清吓啲瘀血。大家用咁多心機，攀山涉水，高掛直幡，要求某人下台，2014年可能無法實現，但清唔到大腫瘤，都可以繼續清下啲粉瘤。曾幾何時是「梁粉」紅人的前行政會議成員兼商交所主席張震遠，今年2月遭債權人入稟申請破產，日前因為有望和解，案件押至明年3月15日。有口痕友就話，張生唔知係腳頭唔好定係濕滯，搞親什麼債務都比較多，2012年泰山石化畀人入稟清盤，佢主理的商交所今年2月亦宣告清盤，口痕友仲叫筆者留意下佢做董事的哈羅公學（香港）。
張震遠搞邊瓣 邊瓣債務多
嘩﹗唔係啩，貴族學校唔會被清盤﹗據資料顯示，截至2012年7月底，呢間學校淨流動負債逾4.2億元，淨資產6700萬元。不過咁，人哋2012年9月開學，名人子女爭相入讀，生意咁好，清盤？大吉利市咩﹗反而筆者有興趣知道間學校之前搞咩要負咁多債呢？
[應正亮 廿四味]
香港要換血 須找出亂港禍首
《人民日報》海外版發表署名文章，指香港要「法治法辦」參與佔中運動的人，嚴懲破壞法制人士。如此出口術施壓，已經是不尊重香港法治的表現，不過嘥氣啦，法治這東西，已經變得好模糊，如果唔抽出真正搞亂香港的罪魁禍首，唔如實向北京反映香港人訴求，上面繼續愈走愈左，香港呢個死局，係無曙光的。
家唯一能夠期望的，就係多啲睇唔過眼的人類，可以出來跑2017年的馬仔。無錯，人類就夠了，因為咁樣已經係有難度。雖然話時勢做英雄，不過聽聞班學生領袖已經好攰，連2015年區選都未必會去馬；呢班小朋友係可造之才，但條路點行，有待商榷，筆者認為如真要從政，行返中間路線多少少會比較理想。
學生領袖若從政 籲走中間路線
儘管不少建制派人士係咁抽清場嘅水，但水平呢回事，大家有眼見，抽水叻唔代表能力高，佢哋可以慳番口氣，唔好諗住有得分；相反，傳聞話今次有份參與勸退學生嘅前律政司長黃仁龍，或者會獲得中央重新評價。有「小明」之稱的黃仁龍，曾被形容係被欽點的特首接班人，但小明早就表明心迹，無意角逐；唔知係咪梁特治下的日子實在太慘不忍睹，令小明有機會回心轉意；繼上周筆者提過的陳德霖，加埋黃仁龍，再加上一個民望不俗的沈祖堯，2017之局，人類成分瞬間提升，香港突然有番希望。
不過，香港要換血，除咗有新血，都要清吓啲瘀血。大家用咁多心機，攀山涉水，高掛直幡，要求某人下台，2014年可能無法實現，但清唔到大腫瘤，都可以繼續清下啲粉瘤。曾幾何時是「梁粉」紅人的前行政會議成員兼商交所主席張震遠，今年2月遭債權人入稟申請破產，日前因為有望和解，案件押至明年3月15日。有口痕友就話，張生唔知係腳頭唔好定係濕滯，搞親什麼債務都比較多，2012年泰山石化畀人入稟清盤，佢主理的商交所今年2月亦宣告清盤，口痕友仲叫筆者留意下佢做董事的哈羅公學（香港）。
張震遠搞邊瓣 邊瓣債務多
嘩﹗唔係啩，貴族學校唔會被清盤﹗據資料顯示，截至2012年7月底，呢間學校淨流動負債逾4.2億元，淨資產6700萬元。不過咁，人哋2012年9月開學，名人子女爭相入讀，生意咁好，清盤？大吉利市咩﹗反而筆者有興趣知道間學校之前搞咩要負咁多債呢？
[應正亮 廿四味]
留言 (0)
