市民分拆2000張兩蚊支票交稅

【明報專訊】有市民發起「良心抗稅運動」，呼籲納稅人將今年要交嘅稅項分拆繳交，甚至將繳交嘅銀碼寫成多張「68.9元」嘅支票，以表達對689票當選特首嘅梁振英不滿。市民Raymond Kwong就喺呢個運動嘅facebook專頁上載一張相，話自己分拆並寄出咗2000張支票交稅（圖1）！呢位仁兄為免寫字寫到手軟，自造印章（圖2），整咗2000張兩蚊雞嘅支票 （因為「二元正」容易雕刻），上個禮拜起分幾日共7袋寄出去交稅，唔少網民都讚歎不已。


不過，政府中人話，市民用呢個方法向政府施壓其實無乜意思，因為搞到嘅都係前線員工，唔明點樣可以爭取到重啟政改五部曲；佢又話，若大家對政改有意見，應爭取喺政改第二輪諮詢表達喎。


（網上圖片）