「商界展關懷」網頁被黑 換真普選圖

【明報專訊】「我要真普選」橫額遍地開花，目標已擴至與商界有關嘅網頁！香港社會服務聯會推動多年嘅「商界展關懷」計劃，網頁噚晚被黑客入侵，首頁換上黃底黑字寫有「我要真普選 #Umbrella Revolution」嘅圖片。Emily噚晚向社聯行政總裁蔡海偉查詢，佢話都係Emily通知先知道網頁被入侵，估唔到係乜嘢人做同點解揀「商界展關懷」計劃網頁。


「商界展關懷」網頁話，計劃旨在促進商界同社福界之間嘅合作，建設共融社會，榮譽贊助人係特首梁振英，有唔少大機構都係贊助成員，例如新世界發展、周大福等。社聯公關話會了解事件同修復網頁。