千個「聖誕老人」為基層童跑山

【明報專訊】下個禮拜五就係聖誕節，噚日山頂約有1000名打扮成聖誕老人嘅市民，參加慈善機構寰宇希望首次喺香港舉辦嘅「千個聖誕老人慈善跑」活動，槍聲一響，佢哋就由港島山頂芬梨道直奔山頂公園。寰宇希望話，舉辦呢項活動目的係為咗支持佢哋喺深水埗同天水圍推行嘅學業輔導及品格教育項目，令到有更多低收入家庭兒童得到幫助。天文台紀錄顯示，噚日山頂最低只有10.8℃，但完全難唔倒一眾「聖誕老人」，全程7.2公里嘅路線，男、女子個人組冠軍分別以31分18秒及39分31秒完成。