新聞類別
財經
詳情#
【明報專訊】阿里巴巴搞影業,對家騰訊(0700)亦唔執輸,近排同好多娛樂公司有合作。喺HBO之後,最新一單係引入韓流,噚日就同YG娛樂簽戰略協議,第時可以喺內地網絡上面,獨家播YG嘅歌。講起呢間YG就威水喇,下面有憑「騎馬舞」出晒名嘅PSY,仲有造型獨特、好受後生女歡迎嘅BIGBANG。
有睇過呢班韓星嘅MV,就知製作水準拍得住美國嗰邊,騰訊個QQ音樂會獨霸PSY、BIGBANG啲作品,仲可以幫佢哋搞活動宣傳。QQ同微信咁多用戶,睇嚟呢條水都有排食,唔知遲啲會唔會見到PSY騎住隻企鵝「扭pat pat」,或者BIGBANG扮企鵝呢?
不過同日又有單麻煩嘢,日本動漫都係騰訊搵銀大計其中一瓣,之不過《新華社》微博度,噚日話騰訊、百度嘅動漫網上面,有色情、賭博等違規內容,文化部要重點查。唉,睇嚟都係畀人睇班羊同隻狼搞下笑算啦。
email: piano@mingpao.com
[小琴密語]
有睇過呢班韓星嘅MV,就知製作水準拍得住美國嗰邊,騰訊個QQ音樂會獨霸PSY、BIGBANG啲作品,仲可以幫佢哋搞活動宣傳。QQ同微信咁多用戶,睇嚟呢條水都有排食,唔知遲啲會唔會見到PSY騎住隻企鵝「扭pat pat」,或者BIGBANG扮企鵝呢?
不過同日又有單麻煩嘢,日本動漫都係騰訊搵銀大計其中一瓣,之不過《新華社》微博度,噚日話騰訊、百度嘅動漫網上面,有色情、賭博等違規內容,文化部要重點查。唉,睇嚟都係畀人睇班羊同隻狼搞下笑算啦。
email: piano@mingpao.com
[小琴密語]
留言 (0)