佔中無罪而受傷 有得賠

【明報專訊】近排全城關注佔領運動，友邦（1299）噚日同一班記者聚會，有人就提到如果佔中時受傷，究竟有無得賠？首席執行官陳榮聲就話，為免爭拗以法庭判決為準。即係話只要法庭判無罪，佔中受傷都有得賠。


話說噚日係友邦一年一度嘅新財年傳媒聯歡。


其中一個話題，就係12月開幕嘅「友邦歐陸嘉年華」，嘉年華嘅巨大貨船現時已經由歐洲出發，將重1000噸嘅機動遊戲設施運嚟香港。當中嘅世界頂級過山車、跳樓機都係首次來港。


千噸機動遊戲運嚟香港

公司業務方面，陳生就話人仔兩萬蚊上限取消後，公司會做少啲人仔產品，皆因家唔少銀行都出嚟搶客，所以公司會繼續加強長線產品，減少短期理財品，將強項愈做愈強。


email: piano@mingpao.com

[小琴密語]