恒管校長客串開咪 嘉賓星光熠熠

【明報專訊】恒生管理學院（恒管）噚日宣布，嚟緊會同新城電台合辦名為《校長與領袖同『恒』》嘅對談節目，恒管校長何順文仲客串做埋節目主持，孖住新城主持許柏倫一齊開咪。


節目會由今個星期六（29日）起，逢周六上午11時至中午12時喺新城知訊台播出，一連52個星期請到社會各界知名領袖分享經歷同成功心得，嘉賓包括行會召集人林煥光、立法會主席曾鈺成、中大校長沈祖堯、導演張堅庭、教統會主席鄭慕智、DHL亞太區創辦人鍾普洋等。