候鳥版畫光臨濕地公園

【明報專訊】喺天水圍濕地公園舉辦嘅觀鳥節今年以「雀鳥安樂窩」做主題，除咗一系列有關鳥巢嘅展覽同工作坊，仲有一個名為《版畫遷飛》嘅獨家展覽，入場者可以欣賞到20名國際藝術家創作嘅一系列版畫作品（圖）。


香港位於全球最大嘅候鳥遷飛區，即係「東亞—澳大利西亞遷飛區」入面，每年途經嘅候鳥數以萬計。Emily聽講喺觀鳥節期間展出嘅呢批版畫，嚟自「遷飛區」內9個國家，之前只係喺澳洲展出過，香港係第二站，大家去公園睇雀之餘，都可以睇吓藝術作品。