新聞類別
財經
詳情#
【明報專訊】「滬港通」呢班幽靈列車雖然係搵鬼搭，但就造就A股上市公司梅花生物，頭兩日升到澎澎聲，當大家好開心炒緊嗰陣，原來已經有股東掟緊貨。話說公司噚日出通告，話有主要股東喺周四同周五兩日賣咗1399.6萬股，持股落到去4.99%，批貨市值近1億人仔。而呢位股東就係前國家總理溫家寶乖仔創辦嗰隻基金新天域資本。
話說當年溫總退落嚟之後，係咁畀海外媒體爆大鑊，話成家人撈咗唔少油水。之後就傳溫雲松為咗避嫌，兼唔想阿爸畀政敵攻擊，已經無喺新天域度做，但亦有傳佢根本無退出過。
由溫雲松創辦新天域沽售
睇返隻梅花生物，隻股噚日仲升咗2%，即係話有人隨時接火棒喇，咁炒法，小琴覺得呢班「滬港通」幽靈列車，真係要小心搭呀。
[小琴密語 email: piano@mingpao.com]
話說當年溫總退落嚟之後，係咁畀海外媒體爆大鑊，話成家人撈咗唔少油水。之後就傳溫雲松為咗避嫌，兼唔想阿爸畀政敵攻擊，已經無喺新天域度做，但亦有傳佢根本無退出過。
由溫雲松創辦新天域沽售
睇返隻梅花生物，隻股噚日仲升咗2%，即係話有人隨時接火棒喇，咁炒法，小琴覺得呢班「滬港通」幽靈列車，真係要小心搭呀。
[小琴密語 email: piano@mingpao.com]
留言 (0)
