蔡崇信：Facebook 賣廣告就難少少

【明報專訊】阿里巴巴「雙十一」巧威威，交易額近600億人仔。副主席蔡崇信星期二仲喺杭州慶功，噚日就風塵僕僕趕到香港參加私募論壇。佢話今年移動終端銷售表現好好，第3季度佔總交易額36%，雙十一更有43%咁高，舊年就只得14%，相信仲會繼續上升㖭。主持人問佢擔唔擔心手機平台比重高咗，會影響廣告收入，蔡崇信就好自信話阿里巴巴嘅廣告就是店家嘅商品，用手機終端嘅人購物意願本來就好強，商品廣告唔單止唔會分散用戶注意力，仲可以幫助用戶有更好選擇㖭，所以阿里廣告收入一直增長好穩定。不過佢就話，好似Facebook咁樣嘅社交平台賣廣告就難少少，畢竟人哋上去都是為咗同朋友傾偈，唔容易將佢哋轉換成買家。


[小琴密語]