新聞類別
財經
詳情#
【明報專訊】最近獲藝人謝霆鋒旗下PO借殼上市的漢傳媒（0491），頓時成為風頭蠆，佢地平時無乜行家去嘅股東周年大會，都罕有成班財經記者空群而出。一眾小記見到散場後股東好似人人手上有啲嘢揸手，自然會八卦吓係乜。原來有出席大會嘅，每人最少獲分派兩隻電影DVD或寫真集，起碼年年蝕錢無息派都有啲甜頭先，小小意思啦！
據啲股東講番，有在場股東問管理層邊個揾謝霆鋒做新老細，管理層話稍後再答，點知唔覺意管理層就從後門走人。有同行笑言，佢地已經用行動證明，謝霆鋒係借殼後門上市啦！聽落佢地又形容得幾貼切喎。至於啲股東攞到啲乜？睇清楚啲，原來有佘詩曼、方力申主演嘅《人約離婚後》、舞台劇改編並由詹瑞文、長腳蟹呂慧儀做嘅《潮性辦公室》，甚至由賈曉晨JJ大爆佢美容心得嘅《七日程》，全部係2011、2012年製作。唔知下次謝霆鋒做漢傳媒老闆後，仲有乜送呢？
email: piano@mingpao.com
[小琴密語]
據啲股東講番，有在場股東問管理層邊個揾謝霆鋒做新老細，管理層話稍後再答，點知唔覺意管理層就從後門走人。有同行笑言，佢地已經用行動證明，謝霆鋒係借殼後門上市啦！聽落佢地又形容得幾貼切喎。至於啲股東攞到啲乜？睇清楚啲，原來有佘詩曼、方力申主演嘅《人約離婚後》、舞台劇改編並由詹瑞文、長腳蟹呂慧儀做嘅《潮性辦公室》，甚至由賈曉晨JJ大爆佢美容心得嘅《七日程》，全部係2011、2012年製作。唔知下次謝霆鋒做漢傳媒老闆後，仲有乜送呢？
email: piano@mingpao.com
[小琴密語]
留言 (0)
