新聞類別
副刊
詳情#
【明報專訊】仲有一個多月先到聖誕，但金鐘佔領區開始有聖誕氣氛。Emily噚日喺物資站發現，有市民自製咗一個約10呎乘14吋嘅聖誕蛋糕，呈現金鐘佔領情况，包括多隻撐黃傘嘅小熊，喺鐵馬陣外與著藍衫嘅小熊對峙，就好似撐佔中嘅黃絲帶市民同反佔中嘅藍絲帶市民對峙，非常細緻；蛋糕屋仔仲掛咗「我要真普選」小標語。
市民送蛋糕重現對峙場面
Emily同該物資站義工傾過，知道原來蛋糕出自一名喺酒店任職嘅外國甜品師傅，對方亦有紮營留守。義工話噚日凌晨收到蛋糕時覺得好歡欣，雖然近日不斷話會清場，但會喺清場前食晒個蛋糕，唔好浪費。「如果真係可以留到聖誕，喺金鐘食聖誕大餐，都幾特別。」
另外，Emily發現喺另一攤位外嘅「紙傘陣」，除咗原本掛住嘅一串串紙傘外，仲多咗一串串聖誕裝飾松果，未知係咪留守者都希望喺金鐘過聖誕呢？
留言 (0)
