新聞類別
副刊
詳情#
【明報專訊】當有立法會議員將成語重新組合，當香港上海股市都撈得埋一齊，其實凡事唔係絕對嘅。話說漢堡包呢款減肥大忌嘅食物，食一次真係唔知要舉幾多次傘、上多幾多次獅子山先消耗到。之不過，噚日小琴試食咗個漢堡包，應該唔使驚喇。
1年內推出應市
長和系主席李嘉誠有份投資嘅美國Impossible Foods，之前研發咗用大豆、菠菜同小麥嘅蛋白質，再整成芝士同漢堡扒（圖），嚟緊仲有埋煙肉添。塊扒同芝士食落去，個口感其實幾似肉同奶做嘅，個肉味都算幾似，但梗係好似差咁啲嘢。好在家個配方仲未定實，下次食可能用咗其他植物整。
如果想食得健康都係個唔錯選擇嚟嘅，因為塊扒本身有植物脂肪喺入面，煎煎下就有油出嚟。可惜家未有得賣，公司諗住1年內推出應市，唔知麥當勞會唔會試下呢，點都好過用唔知邊度嚟嘅黑心肉啦。
email: piano@mingpao.com
[小琴密語]
留言 (0)
