自由黨選黨魁 方剛大熱

【明報專訊】自由黨立法會議員田北俊上周被撤銷全國政協委員身分後，隨即辭去自由黨黨魁，自由黨最近討論要選番一個黨魁，據聞噚日開會後，正式啟動程序。到底邊個接棒，可能要月底先至知，Emily聽聞，該黨嘅批發及零售界議員方剛家陣係大熱人選咁話。


蛇無頭不行，田北俊唔做黨魁，自由黨噚日開會啟動選黨魁程序，報名期24日，如果最終只得一個人報名，月底就會有「自動當選」。


論資歷同經驗，聽聞黨副主席方剛最大機會接捧，但係方剛家除咗政務，都好享受弄孫之樂。黨友就向方剛承諾，就算做咗黨魁，都唔會影響佢嘅日常生活。