接黨魁大熱 方剛鍾國斌禮讓

【明報專訊】自由黨田北俊前日辭任黨魁，黨魁一職由誰頂上未有定案，據知佢哋一至兩個月內會補選黨魁。不過，唔少政界中人都話，有可能接任嘅人離唔開副主席方剛同紡織及製衣界嘅鍾國斌（圖），不過兩人回應傳聞時就好禮讓，不約而同大讚對方比自己勝任。


鍾國斌噚日同Emily講，自己議會資歷尚淺，「未夠秤」擔起黨魁大任，認為方剛為人穩陣資歷高，係合適人選。方剛噚日出席商台《在晴朗的一天出發》時就話，鍾國斌先係佢心儀嘅黨魁人選，大讚對方年輕有衝勁，雖然鍾國斌喺2012年先加入議會，喺立法會資歷較淺，但不妨一試。


方剛又話自由黨仍會繼續參與直選，唔少黨員亦有默默做地區工作，仲話如果唔參加直選，就並非一個政黨。至於邊個會接替田少個位出選新界東？方剛話未有定案。Emily聽聞，自由黨除咗有意保住喺新界東出選外，仲有意出選香港島