阿里上市 「郭靖」袋8000萬

【明報專訊】阿里巴巴上市之後，有人講笑話去到杭州唔好扮大爺，皆因嗰度多咗批百萬、千萬富翁，即係一班有股份嘅阿里員工，仲話杭州總部附近啲樓價升唔少。集團上市造就執行主席馬雲做咗內地首富，其他管理層副身家亦都梗係唔嘢少啦。話說噚日港交所（0388）披露咗，阿里影業（1060）主席邵曉鋒，亦即係集團個首席風險官，喺阿里上市唔夠一個禮拜，就現兜兜多咗幾千萬身家。


綽號「郭靖」嘅邵總，佢用每股68美元，即係阿里招股價，喺場外沽咗15萬股，計番港紙大概有8038萬。小琴估計呢筆交易，有機會喺阿里招股嗰陣，一班管理層賣股的動作，如果唔係點可能喺68美元呢啲位沽貨架。阿邵總家仲揸住207.4萬股，按噚晚股價喺99美元計，市值足足有16.2億港元，揸住收息定索性沽貨，都認真和味。


[小琴密語]