新聞類別
財經
詳情#
【明報專訊】為咗同市民打成一片，一向嚴肅嘅銀行都要絞盡腦汁，不斷諗啲新花臣吸引眼球。花旗銀行之前試過喺分行搞萬聖節布景同時裝show，今期可能係考慮到家陣興自拍，就設計咗一款3D藝術畫作為布景，吸引大家到分行影下相。仲唔單止噃，大家影完相upload上網，仲有可能贏飛行里數免費搭飛機添。
呢幅3D畫集中咗世界各地標誌建築，好似美國自由神像、英國倫敦眼等，花旗話畀小琴知，影相如果較啱角度，效果真係好似到實地影出嚟咁，市民如果去到中環會德豐、銅鑼灣、旺角等分行，同埋中環地鐵站，都會見到幅畫，分行仲會有同事專門教企位添。花旗話，啲3D畫會一直擺到11月23號，市民可以影完相upload到花旗網站，11月30號開始投票選出3張最受歡迎相片，得獎者就可以贏取3萬里數去旅行啦。
[小琴密語]
呢幅3D畫集中咗世界各地標誌建築，好似美國自由神像、英國倫敦眼等，花旗話畀小琴知，影相如果較啱角度，效果真係好似到實地影出嚟咁，市民如果去到中環會德豐、銅鑼灣、旺角等分行，同埋中環地鐵站，都會見到幅畫，分行仲會有同事專門教企位添。花旗話，啲3D畫會一直擺到11月23號，市民可以影完相upload到花旗網站，11月30號開始投票選出3張最受歡迎相片，得獎者就可以贏取3萬里數去旅行啦。
[小琴密語]
留言 (0)
