新聞類別
財經
詳情#
【明報專訊】金利豐（1031）一年一度都會喺鴨脷洲搞長者盤菜宴，近年規模愈來愈大，今年仲多咗好多新嘉賓，好似「蘭桂坊之父」盛智文大仔Jonathan、股壇猛人詹培忠囝囝詹劍崙，最爆係賭王四太梁安琪（圖右）唔止上台獻唱，仲騷埋長腿，認真係有今生無來世。
呢個盤菜宴已經係連續舉辦了十二屆，今年規模仲係歷來最大，筵開214席，免費招待區內65歲或以上長者。查實金利豐行政總裁朱太朱李月華同爸爸李樹福都係鴨脷洲出身，所以佢哋每年都會搞盤菜宴回饋街坊。
今年除咗宏安（1222）主席鄧清河、蕭若元父子等一班老朋友外，朱太老友四太今年仲帶埋囡囡超欣嚟捧場，短褲仔上陣嘅佢上台唱歌時，囡囡仲變埋小fans喺台下幫媽咪影相
留言 (0)
