新聞類別
財經
詳情#
【明報專訊】今個月頭空降機管局出任總裁嘅林天福（Paul），噚日首次公開露面認真別開生面，事關佢係孖住中華電力總裁潘偉賢（Paul）一齊，着晒西裝喺機場踩單車發電。
原來機管局同中電喺機場客運大樓搞咗個「節能•綠色未來」互動展覽，仲展出咗可以用嚟發電嘅踏步機同埋單車。兩位總裁自然身體力行齊齊參與，Paul用踏步機、Fred就落力踩單車，體驗人力發電滋味。據Paul介紹，其中部踏步機由中電自行研發，踏步30秒生產嘅電力，足夠畀一般智能電話煲1個鐘電話粥。
部單車同踏步機都連接去一棵高2.4米、利用回收玻璃樽裝飾組成嘅「綠色能源樹」，只要郁下腳去做運動就可「燃亮」能源樹。萬一唔好彩遇着delay、等機等到悶悶地嘅旅客記得去試玩吓呀。另外中電亦有借出多媒體互動遊戲機「節能足球先鋒」，可以考下市民一啲環保節能方法。
[小琴密語]
原來機管局同中電喺機場客運大樓搞咗個「節能•綠色未來」互動展覽，仲展出咗可以用嚟發電嘅踏步機同埋單車。兩位總裁自然身體力行齊齊參與，Paul用踏步機、Fred就落力踩單車，體驗人力發電滋味。據Paul介紹，其中部踏步機由中電自行研發，踏步30秒生產嘅電力，足夠畀一般智能電話煲1個鐘電話粥。
部單車同踏步機都連接去一棵高2.4米、利用回收玻璃樽裝飾組成嘅「綠色能源樹」，只要郁下腳去做運動就可「燃亮」能源樹。萬一唔好彩遇着delay、等機等到悶悶地嘅旅客記得去試玩吓呀。另外中電亦有借出多媒體互動遊戲機「節能足球先鋒」，可以考下市民一啲環保節能方法。
[小琴密語]
留言 (0)
