伯伯周永康互跪送埋瑞士糖

【明報專訊】不少團體軟硬兼施，諗方法要佔領學生撤離，噚日朝有一批潮籍中西區居民，拎住一罐糖遊行去特首辦外搵學聯秘書長周永康等人。佢哋仲搵一個88歲長者翁伯做說客，翁伯仲當面向周永康下跪，要求學生開路。周永康同身旁嘅同學知道受唔起，所以反應好快咁一齊跪地安慰翁伯，結果變成互跪嘅場面。


翁伯同學生講，叫佢哋返去讀書，將來報效香港。呢批居民無惡形惡相，身上無公仔紙，反而用慈祥口脗，好似去拜年咁，送學生一罐瑞士糖，話祝願學生甜甜蜜蜜、身體健康，送糖係想「慰勞學生」喎！