國際黑客橫掃港網站

【明報專訊】4小時攻陷5網站

日前向香港政府「宣戰」嘅國際黑客組織Anonymous，繼前日攻擊咗超過10個香港私人機構網站，噚日繼續發動攻勢，喺短短4小時內攻陷5個網站，分別有建制同親政府組織，包括民建聯、工聯會、幫港之聲、港人講地網站，但勢估唔到，推動佔中行動嘅佔中網站都受到攻擊。匿名者解釋，攻擊原因係因為佢哋「佔領」咗佔領運動，佔中網站喺大約3個鐘之後恢復運作。


莫乃光：似機關槍掃射

繼民建聯及幫港之聲網站噚日下午遇襲癱瘓後，佔中網站喺下午3點幾亦都成為攻擊對象。黑客仲留言稱，「再畀我見到有人唔知咩叫尊重嘅話，我哋唔會放過佢」。立法會資訊科技界議員莫乃光就話，組織者可能唔熟悉香港情况，攻擊就好似開機關槍掃射咁，係幾危險。喺攻擊完佔中網站久後，建制派輿論陣地「港人港地」同工聯會網頁亦都癱瘓。


民建聯主席譚耀宗知到網站受到攻擊，佢就鬧「離晒譜」，又話網站搶修緊，未知有無失去重要資料。


號稱全球最大嘅黑客組織「匿名者」（Anonymous）日前上載短片話，不滿香港警方以唔人道方法對付市民，誓言警方如果繼續傷害示威者，就會攻擊香港政府網站，甚至公開政府官員嘅個人資料及電郵，攻擊代號名稱係Operation Hong Kong（香港行動）。