採訪車「齊吃牛肉乾」

【明報專訊】金鐘、灣仔呢幾日好熱鬧，好多人去罷課又要「去飲」，而警方將成個政府總部附近一帶變成封鎖區，一帶道路泊滿警車陣。咁大件事，全港傳媒齊集，而唔少採訪車就泊咗喺政總外，近紅十字會大廈嘅小後巷。不過，Emily前晚去現場採訪路過，就見到成排車全部被請食「牛肉乾」，停喺度嘅報館採訪車無一倖免，Emily見到附近有啲普通私家車，更加係下午同晚上各有一張，唔知咁樣算唔算「優待」傳媒！


前晚半夜當示威者仲同警方爭奪緊鐵馬之際，Emily喺相距唔夠100米嘅分域街碼頭見到兩個阿sir開工周圍抄牌，於是問阿sir，做咩外面「打緊仗」唔去幫手，仲咁得閒抄牌，阿sir都無奈話，因為有人投訴，所以先要開工囉。