方志恒揸車送物資

【明報專訊】有唔少市民雖然無參加公民抗命，但就為參與嘅學生同市民送上水、食物同眼罩等。教育學院亞洲及政策研究學系助理教授方志恒噚日下晝5點就買咗幾箱香蕉、寶礦力同一啲眼罩，揸車運去政府總部。佢話「大家都知道我因為家中女兒太細，很遺憾未能夠在前線參與公民抗命，但我也希望能夠盡一分力」。


方志恒喺facebook同市民講，香港正經歷一場前所未有嘅民主運動，請大家諗吓可以發揮咩作用﹕有條件承擔法律責任嘅人，請考慮到前線支援；未能去前線支援嘅，請幫忙購買及運送物資，「香港人，未來由我們一起開創，我們必須要展示香港人應有的志氣，這是我們的時代」。


集會附近物資充足，仲有唔少學生幫手搬運物資，方志恒都話多得一班後生仔幫手搬運。