張茵恭喜馬雲成新中國首富

【明報專訊】阿里巴巴紐約上市，馬雲搖身一變成為全民偶像，兼晉升中國首富，羨煞旁人。前中國首富玖龍紙業（2689）董事長女強人張茵（圖）就夠晒大方，噚日喺玖紙業績會不忘恭喜馬雲，話中國公司喺紐約有咁大單IPO，作為中國人好自豪，仲考慮將來要買阿里巴巴股票，不過要做吓功課先。張茵又話，阿里巴巴帶動中國網上購物飛速發展，物流業都用唔少包裝紙，玖紙也叼光，現在網購用嘅包裝紙已經佔集團收益10%，估計未來比重還會高。唔怪得佢話，馬雲好，包裝紙業就會好！


[小琴密語]