熊貓3胞胎 開眼看世界

【明報專訊】早排7月廣州長隆野生動物世界有大熊貓三胞胎出世，唔少人都好關心佢哋嘅一舉一動。噚日長隆再次傳來好消息，就係大熊貓三胞胎全部順利「開眼」，而且健康狀况仲非常好"口添"。
老二率先開眼 仍未識走動
Emily聽大熊貓專家介紹，原來大熊貓寶寶一般會在45日大之後開眼。三胞胎大熊貓寶寶中，老二最先開眼，其次係老三同老大，而「開眼」係大熊貓寶寶成長過程中非常重要嘅環節，開眼後大熊貓寶寶變得更加敏感，可以睇多啲外面嘅世界，任何外來嘅刺激都會對佢哋造成更大影響。
依家3隻寶寶仲未識行識走，不過開眼之後佢哋會更加好動，仲會加速學行"口添"。由於大熊貓寶寶仲細，所以輪流兩隻住木箱，一隻由媽媽菊笑親自湊番。
遲啲大個仔大個女，每隻大熊貓寶寶會有自己嘅單獨木箱。動物園相信11月佢地仲會開始出牙仔，鍾意大熊貓嘅讀者仲可以喺長隆官網睇到大熊貓三胞胎24小時嘅即時直播。