慈山寺搞佛法輔導熱線

【明報專訊】長實主席李嘉誠出資興建嘅大埔慈山寺，早前因為被承建商入稟追討工程費，法庭披露寺內建有高設防私人禪修室，甚至有防彈門窗，成為傳媒焦點。慈山寺網頁話寺廟興建工程仍在進行中，不過Emily噚日見到慈山寺喺《明報》登招聘廣告，話「慈山寺佛法輔導熱線中心」請中心主管同高級社工，仲話中心係「香港首創的佛法輔導熱線中心」。


招聘廣告話，中心會以佛法及專業輔導，幫助「於困擾和危機中徬徨無助的香港市民，舒緩情緒，提升正面的心靈力量」。Emily打去詢問招聘詳情，職員話輔導中心職員唔會喺大埔慈山寺返工，而係喺筲箕灣嘅「Town Centre」返工，仲話慈山寺會喺年尾起好。至於「誠哥」請人出手重唔重？職員話要睇經驗而定，信佛嘅應徵者優先考慮。