A貨胡志偉現fb

【明報專訊】民主黨惡搞政府最新政改宣傳片，同市民解釋「如果2017年大陸揀剩三個爛橙先畀我哋投票，揀咩都死，梗係唔要啦！」黨副主席羅健熙透露遲啲會試喺港鐵同roadshow賣廣告，令市民明白人大常委會嘅決定喺一個倒退，絕對唔可以「袋住先」。


另外，民主黨主席劉慧卿近日狠批人大常委提出嘅政改框架喺A貨，估唔到民主黨喺網上都出現A貨黨員。話說有人假冒民主黨立法會議員胡志偉喺facebook開帳户，仲發表咗一篇〈覆巢之下 安有完卵〉批評佔領中環嘅文章。「貨真價實」嘅胡志偉直斥有人抹黑、詆譭民主派議員嘅聲譽，呼籲大家要「提防假冒」( 圖 )。