湯家驊：喺立會舉目無親

【明報專訊】政改走到呢個階段，一直希望中央同泛民務實溝通嘅公民黨立法會議員湯家驊，之前表晒態話心灰意冷，未來只會關注民生議題，唔會再關注政改，噚日喺電台仲話，泛民溫和派已無路行，自己喺立法會更係舉目無親。


講到咁慘，下屆仲選唔選立法會呢？湯家驊估計，2016年立法會選舉，邀進力量會進一步抬頭，溫和從政路線就無前途，又話自己「年紀唔輕，好難說服自己繼續行落去」，不過，佢話自己所屬嘅新界東選區選情複雜，「好多政治山頭，（擔心自己）講明一定會走，就會有人插旗」，會影響泛民嘅議席，所以佢未做最後決定。