海洋公園再死中華鱘

【明報專訊】海洋公園噚晚公布一條中華鱘嘅死訊，園方話呢條中華鱘係今年2月由中國水產科學研究院長江水產研究所送畀海洋公園嘅15條中華鱘之一，噚日早上11時已被發現身體反轉，水族員及獸醫團隊幫佢治療，40分鐘後佢不幸離世。


2008年來第6條

其實這批中華鱘其中兩條已喺今年4月及5月因細菌感染死咗，今次再死一條，令呢批送嚟嘅中華鱘只係剩番12條。2008年海洋公園獲贈首批中華鱘以來，已先後有5條死去，計埋今次即公園已有6條中華鱘死亡。


海洋公園話，自從呢批15條中華鱘其中兩條喺今年因細菌感染死咗，園方已密切監察剩低嘅中華鱘，發現其中3條有細菌感染，即刻隔離飼養。有一條已經好番，但餘下兩條一直被隔離，噚日死去嘅一條正係隔離飼養之一。


園方話一直同內地中華鱘專家有聯繫，無聽過內地專家話海洋公園嘅設施有問題，死因有待獸醫解剖後確定。中華鱘係國家一級保護動物，Emily希望海洋公園可以好好地保護餘下嘅中華鱘啦。