新聞類別
財經
詳情#
【明報專訊】本港電視大台近年捧唔出啲咩小生同花旦，夾硬要講只得舊年個飛機師彈出，仲要年紀都唔算細，後生仔想追星（而唔係中年男人同埋年過30嘅花旦），某程度上可以話係被逼追韓劇，咁韓星喺中港台人氣急升，廣告商自然打佢哋主意，最新趕用韓星做代言人嘅就有天喔（1219），請咗「亞洲男神」李敏鎬代言5款支裝茶。
據天喔董事長林建華話，原本係由大陸女星、都堪稱「女神」嘅范冰冰代言，但係呢幾款「美女飲品」其實係針對女性市場，索性搵個男神嚟SELL。李敏鎬憑韓劇《繼承者們》紅遍亞洲，咁廣告費咪好貴？阿林董就大爆，話李敏鎬嘅酬勞同另一代言人「歌神」張學友及范冰冰差唔多。又男神又女神又歌神，喺咁多神加持下，天喔啲飲品會否好賣咗，即管拭目以待。
email: piano@mingpao.com
[小琴密語]
據天喔董事長林建華話，原本係由大陸女星、都堪稱「女神」嘅范冰冰代言，但係呢幾款「美女飲品」其實係針對女性市場，索性搵個男神嚟SELL。李敏鎬憑韓劇《繼承者們》紅遍亞洲，咁廣告費咪好貴？阿林董就大爆，話李敏鎬嘅酬勞同另一代言人「歌神」張學友及范冰冰差唔多。又男神又女神又歌神，喺咁多神加持下，天喔啲飲品會否好賣咗，即管拭目以待。
email: piano@mingpao.com
[小琴密語]
留言 (0)
