湯家驊﹕否決政改 專注民生

【明報專訊】人大常委會周日通過2017年普選特首選舉方案後，多名泛民立法會議員先後表態會否決方案，噚日湯家驊喺facebook發表聲明，話經過幾日深切思考後，決定否決人大常委嘅特首選舉方案，以及未來會專注民生議題。


稱不應放棄參政承諾

湯家驊喺聲明中承認，周日人大常委會公布特首選舉方案後「一時萬念俱灰」，但深思後明白留喺立法會嘅意義，而唔係單單取決於個人感受，亦不應放棄當初參政時嘅承諾和目標。佢仲話，雖然最近不斷有人漠視佢嘅言論，但就重申佢最初參選係為咗爭取一個無篩選嘅普選，所以家會留低喺議會否決特首普選方案，以貫徹佢當初參政時嘅承諾同目標，並同時多謝連日來關心佢嘅人咁話。