太空館新電影 捕捉「看不見」的影像

【明報專訊】Emily都幾鍾意去太空館睇全天域電影，今日起又有新嘢，到出年2月28號，太空館有新嘅全天域電影《超感官探奇》上映。作為靈魂之窗嘅眼睛，其實睇唔到太快、太慢、太細嘅動作同物件，而呢套長40分鐘嘅電影，就利用高速相機、延時攝影技術同電子顯微鏡，捕捉肉眼睇唔到嘅影像，如花朵綻放、盛開同凋謝嘅過程，水點跌落水面時好似皮球咁跳動嘅瞬間。


票價由12至32蚊不等，有興趣讀者留意。