中石油請新唐人記者食閉門羹

【明報專訊】中共大老虎周永康雖正式落網，同佢牽連甚深嘅中石油（0857）仍誠惶誠恐，噚日嘅業績會，新唐人電視台嘅記者（圖左）就爭啲被拒諸門外。


咁都好難怪嘅，新唐人日日都爆周永康嘅料，呢頭講完周永康嘅「特殊愛好」，果頭又搵到周永康姨仔、前中石油加拿大分公司高層賈曉霞嘅大量私人相片，記者一現身，中石油公關都咪話唔驚，話佢無接受邀請，最後喺中石油公司秘書介入之下先畀佢入去。當然，佢全程都無發問嘅機會，「你懂的」！