廠商會9．1請食雪糕

【明報專訊】廠商會今年成立80周年，有唔少慶祝搞作，喺9月1日至3日一連3日就會請市民食軟雪糕，等大家可以降吓溫。大家只要喺9月1日於免費報《am730》剪低換領券，就可以去麥當勞換雪糕，廠商會話預計活動要使幾十萬元，最終視乎有幾多人食啦。


廠商會代表又會喺9月2日至4日訪京，料有國家副主席李源潮接見，佢哋屆時仲會拜訪商務部、工商聯等。近期政改討論火熱，佔中又可能一觸即發，會長施榮懷話，近排都有一啲會員查詢，擔心佔中發生會影響業務，甚至乎怕一旦有亂事，飾櫃會被人打爛，所以商會搵定幾個律師，幫手解答一下會員查詢。