新聞類別
財經
詳情#
【明報專訊】家做銀行真係唔單止要關心客戶財務需要，仲要關心埋佢哋嘅企業傳承。好似花旗咁，過去4年就聯同理工大學，為佢哋班企業家客戶嘅子女安排暑期訓練計劃，培訓佢哋做接班人。今個月初就有25名「富二代」參與呢個「青少年精英領袖訓練計劃」。
聽花旗果邊介紹，參加者介乎16歲至19歲，訓練計劃就為期一星期，除咗上堂學習領導才能同企業家思維，仲會帶佢哋參觀中港企業，好似今年就去咗香港航空及彭氏（香港）國際化妝品集團嘅內地廠房參觀，了解吓企業日常實際運作。為配合大時勢變化，今年仲增加環球電子商務同零售管理兩個新課程內容。
花旗商業銀行香港主管郭炬廷就話，之所以有咁嘅構思，係因為見到唔少花旗客戶已經做生意廿幾年，開始要諗繼承人問題，所以銀行就諗到為佢哋子女舉辦領袖課程，培養佢哋對經營企業嘅興趣，聽講話反應都幾理想，唔少學員參加之後都表示願意子承父業。
[小琴密語]
聽花旗果邊介紹，參加者介乎16歲至19歲，訓練計劃就為期一星期，除咗上堂學習領導才能同企業家思維，仲會帶佢哋參觀中港企業，好似今年就去咗香港航空及彭氏（香港）國際化妝品集團嘅內地廠房參觀，了解吓企業日常實際運作。為配合大時勢變化，今年仲增加環球電子商務同零售管理兩個新課程內容。
花旗商業銀行香港主管郭炬廷就話，之所以有咁嘅構思，係因為見到唔少花旗客戶已經做生意廿幾年，開始要諗繼承人問題，所以銀行就諗到為佢哋子女舉辦領袖課程，培養佢哋對經營企業嘅興趣，聽講話反應都幾理想，唔少學員參加之後都表示願意子承父業。
[小琴密語]
留言 (0)
