朱太撈過界 入股健身拳館

【明報專訊】近年健身風氣盛行，好似唔少名人明星幫襯開嘅中環健身室兼拳館Fight Factory，星期六就進軍銅鑼灣開第二間分店，但小琴最驚奇係竟然搵到「殼后」朱太朱李月華（圖左5）嚟剪綵，皆因佢都投資，莫非好似電影《食神》咁講，一間變兩間，第日「兩間變四間，四間變八間，然後再上埋市」？

搵番資料，Fight Factory Hayabusa由香港拳王「風之子」杜恒霖同「蜘蛛女」鄭麗莎創辦，由當年樓上舖做到家吓旺區地舖，家唔少名人明星都有喺佢哋度健身學拳，好似世城系董事范統、明星梁漢文、Janice Man都有份，其中梁漢文嗰日仲親自捧場