民主黨惡搞 辦政改冰壺賽

【明報專訊】佔中三子前日去見政務司長林鄭月娥，林鄭被指一味叫三子放棄佔中，結果雙方幾乎不歡而散。民主黨就玩惡搞，將三子見林鄭改成兩陣打冰壺，將各人嘅相key入冰壺比賽嘅片段中，變成「政改假諮詢三人組」對「和平佔中三子」。呢段片放上民主黨facebook，片中旁述「鍾仔」等人就加把口，諷刺如果「跑得慢、冇速度、唔夠快」，政改會原地踏步。


比賽開始，先由「林鄭」推冰壺，話佢個冰壺篩走其他真普選方案，令到「梁振英」好開心。到咗佔中組出場，「戴耀廷」用力推真普選冰壺，加上「陳健民」同「朱耀明」在旁落力推動，結果彈走「林鄭」個冰壺，真普選冰壺仲停喺賽道中圈位置，所以旁述就話成功佔領中環！


（民主黨facebook圖片）